原汁原味的日本家具特別正?! 我會覺得有一些家具係, 有些唔係。
現時香港的家居都比日本傳統家居狹少, 係考慮心宜家具的時候, 家具的用途及呎吋都要認真考慮清楚。
- 好多時你會發現海外入口的家具, 可能size 會比較大, 而你又唔想購置後, 令屋企空間感減少。
所以就算入口家具質素幾好 , size都成為最大的阻礙 。
- 另外, 去到店舖試下心宜的家具時, 又有無試過 , 覺得樣好靚 , 但試上手又好似唔係咁好用等等。
呢一種種原因 , 有可能係本身設計家具的人都無諗過你想咁樣用件家具, 而生活文化的不同, 往往就係以上兩個問題的原因!
有買過我地家具的客人都會知道, 我地有一些家具, 同一個款式當中, 有分日本版和香港版的;
以呢個櫃為例 :
日本版的呎吋: W860×D450×H1260
香港版的呎吋: W900xD380xH110
你會留意到同一個款式香港版深度比較少, 因為一般香港家居都有想櫃類深度減少, 令室內空間感加大的傾向。
但當然, 380mm 呢個數字並不是越少就越好, 當櫃的深度越少, 櫃的重心就越來越偏離物理上的平衡點, 所以
設計時都要認真計算的。當深度減少的同時, 每個櫃筒的高度變大, 可以保持收納的空間及靈活度。
另外, 日本版和香港版的另一分別係: 香港版的有五金路軌, 而日本的是沒有的:
日本版
香港版
唔講唔知, 日本的文化中, 呢類型的櫃, 他們只會用來放衣物, 一些輕的物件, 所以無路軌的櫃筒不會是他們的阻礙; 而要放重東西的,
他們會買其他的櫃類去處理。
但香港的文化中, 能夠在寸金呎土的屋入面放一件家具, 當然想佢係多用途, 又可以放輕的, 又可以放重的。所以, 五金路軌就成為左
呢類櫃的必要存在。
---------------------------------------------------------------------------------------------------------------------
所以, 有時一些生活細節上的不同, 可會令你對一件家具的期望有所不同。
同樣是出自一位工匠, 日本製, 在設計上加以改進, 令其更加與用家的生活細節同步, 不是更好嗎?
頑固おやじ所謂的手作的家具,就是作為設計及生產者源頭, 為世界各地不同文化的您製作一件只合適您的家具!
文章作者：J. SO
頑固おやじ®（香港店）社員，大學畢業後從事產品及網頁設計，及後修讀家具設計並從事木制品及木家具設計工作，對木材及塗裝有非常深入的了解，擅長分析木家具產品結構及安全性。最喜歡的木材：日本白胡桃木及日本栗木。
